Piazza del Plebiscito quann’ nun se pazziav’ a pallon’

Chell’ ch’è succies’ a piazza del Plebiscito è ‘nu fatt’ ca me fa’ saglì ‘o sang’ ‘n cap’ e veramente m’ fa’ pensa’ ca ‘a mamm’ ‘re chiavec’ è semp’ prena!
Indimen’ manc’ ‘e Vandal’ – ‘e Vandal’ ‘o ver’, chill’ ca tant’ ann’ fa’ facevan’ maciell’ pe’ tutt’ part’ – puteven’ esser’ accussì ggent’ ‘e mmerd’.

‘Sta piazza n’ha vist’ ‘e tarantell’.
Primm’ ro concerton’ ‘e Pino Daniele, primm’ e esser’ nu grand’ parcheggio, primm’ ‘ro burdell’ pecché amma vinciut’ ‘a coppa Italia a facc’ ra Juventùs, ccà ce steven’ ‘e mmur’ ‘e l’antica Palepolis e chell’ romane del Castro Luculliano.
Po’ ce costruetten’ tre conventi ch’ era chill’ ra Croce e ra Trinità, ro Santu Spirit’ e chill’ ‘e San Luigi.
Quann’ ‘e spagnuol’ venetten’ a Napul’, ‘a via ro Cincucient’, vuletten’ accuncia’ nu poc’ ‘e fatt’.
Pietro di Toledo, ‘o vicerè cchiù famos’, facett’ fa’ ‘na via ,ca se chiammav’ comm’ a iss’, ca re Quartier’ addò stev’ l’accampamento de surdat’, arrivava direttament’ fin’ ‘o palazz’ suoj (‘o primm’ palazz’ vicereale) e po fa’ costruì avetten’ schiana’ tutt’ cos’ e accussì nascett’ Largo San Loise.
‘A via ro milleseicient’ ‘o vicerè e conte di Lemos, Fernando Ruiz de Castro – ca secondo me cu ‘stu nomm’ putev’ fa’ l’attor’ int’ ‘a ‘na telenovelas – vulett’ fa’ cchiù bbell’ ‘o Palazz’ Reale accussì ‘o Rre, Filippo III di Spagna, se putev’ appuia’ quann’ scennev’ e ppart’ ccà.
Mò, lass’ ca chill’ ‘o Rre po’ nun è maj venut’, ‘o vicerè vulev’ fa’ bella figur’ e soprattutto vulev’ fa’ ‘na cosa divers’ r’e castiell’ addò seven’ stat’ Angioni e Aragonesi, accussì nun parev’ nu cupion’.
Chiammaje allor’ a Domenico Fontana ch’eva faticat’ bell’ a Roma pe’ Papa Sisto V (chill’ ca facett’ nu mument’ nu mument’ fa’ ‘a cappella Sistina) facenn’ indimen’ rrobb’ comm’ ‘a scalinat’ di Trinità dei Monti, il Quirinale e pur’ ‘a Cupola ‘e San Pietro!!
E infatti ‘stu Fontana spaccaje tutt’ cos’ e poiché ce piacev’ assaj chell’ ch’eva fatt’ a Roma, vulett’ riproporr’ cchiù ‘o meno ‘o stesso stile tipico ra cultura romana, soprattutto int’ ‘a facciat’ bella long’ cu culonn’ ‘e granit’, iscrizion’ latin’, fronton’ e altri fatt’ accussì.
(Fu Umberto I ca facett’ metter’ ‘e statue e tutt’ ‘e Rre ‘e Napul’ int’ ‘e nicchie.)
Accussì “Largo di San Loise”  addiventaj  “Largo di Palazzo”, sede ‘ro puter’ vicereal’ e spazio addò se facevan’ tutt’ ‘e manifestazion’ pubbliche.
Fatt’ ‘o palazz’, però, nisciun’ re vicerè che venetten’ aropp’ pensajen’ all’arredamento ‘e tutt’ chillu spazio annanz’ (a chilli tieemp’ nun se putev’ ancor’ chiamma’ piazza).
Arint’ facetten’ cos’ ‘e pazz’, int’ ‘o tiemp’ metteten’ man’ Sanfelice, Vanvitelli, Fuga, Genovese e  si ve facit’ nu gir’, ca scus’ ca llà ce sta ‘a biblioteca Nazionale, putit’ verè.
P’appara’ nu poc’ ‘a situazion’ e fa’ chillu spazio cchiù accunciatiell’, piazzajen’ ‘o lat’ ro mar’, addò ce sta cchiù assaj ‘o dislivell’, ‘na funtan’ scenografica assaj ca facett’ indimen’ Pietro Bernini – ‘o pat’ ro cchiù famoso Gian Lorenzo ca facett’ nu sacc’ ‘e belli fatt’ a Roma ma comunque nascett’ a Napul’! – insieme a Michelangelo Naccherrino, ‘e mast’ re funtan’ a Napul’.
Affianco, comm’ si po’ chillu piezz’ nun abbastav’, ce mettetten’ nu bust’ ‘e nu gigant’ – ca po’ sev’ Giove – ca truvajen’ a Cuma.
‘O vicerè don Pedro Antonio d’Aragona, infatti, ‘o facett’ purta’ a Napul’ e ce facett’ azzecca’ braccia e cosce, comm’ si s’eva appara’ n’ata vot’ ‘nu puorc’ scannat’, e ce facett’ metter’ pur’ ‘nu stemm’ cu l’aquila addò steven’ scritt’ tanta bell’ parol’ po viceré.
Nun l’essa maj fatt’.
‘A povera ggent’, ca stev’ accis’ ra tutt’ ‘e tass’ ch’eva pava’ ma sev’ semp’ ricc’ ‘e fantasia, bbuon’ pensaje ‘e azzecca’ ‘ngopp’ ‘o Gegant’ ‘e palazz’ jastemm’ e sfottò pe’ s’ sfuga’ int’ all’unica maner’ ca putev’ (fin’ a quann’ nun perdetten’ po’ verament’ ‘a pacienz’ e arrevutajen’ tutt’ cos’ cu Masaniell‘!).
A parte ‘e “chivemmuort’ a vuj e tutt’ ‘a razza vost’” ca pal’, ce steven’ pur’ scritt’ accussì: “Vuje pensat’ a ffa’ ‘e tasse, nuje pensamm’ a fa’ fracass’. Ve magnastev’ ‘e fecatiell’, ‘o Rre se magn’ ‘e casatiell’” pecché ‘sti vicerè nun s’abbuffavan’ manc’ ro terrien’ ‘e campusant’!
E a ggent’ veramente jev’ ‘o campusant’ pecché se puzzav’ ‘e famm’.
Tropp’ bbell’ fuje pure chell’ ca scrivetten’ contro ‘o vicerè austriaco Alois Thomas Raimund di Harrach: “Neh, che ffa’ ‘o cont’ d’Harraca? Magna, beve e ppo’ va caca” a dicer’ comm’ chest’ era l’unica preoccupazione ‘e ‘stu cristian’.
Addirittura Giuseppe Bonaparte jett’ talment’ ‘n frev’ pe’ cchell’ ca scrivevan’ llà ‘n gopp’ contro ‘o regime che primm’ ‘e lassa’ ‘o tron’ a Gioacchino di Murat, ‘o 1807, ‘a facett’ spusta’!!
Se cont’ ca primm’ ra mover’ ra llà, comm’ nu testament’, truvajen’ ‘sti parol’: “Lascio la testa al Consiglio di Stato, le braccia ai ministri, lo stomaco ai Ciambellani, le gambe ai Generali e tutto il resto a Re Giuseppe” e putimm’ sul’ immagina’ che rumanett’ ‘al Rre.
Mò sta astipat’ int’ ‘o Museo Archeologico ma nun pruat’ a c’azzecca’ coccos’ a copp’ o si no v’arrestan’.
A ffinal’, aropp’ nu sacc’ ‘e ggir’, ‘sta funtan’ a purtaron’ addò sta mò, ossia di fronte all’ Excelsiòr.
‘O largo ro Palazz’ rummanett’ tal’ e qual’ fin’ a quann’ nun arrivajen’ ‘e Borbon’, ma int’ a tutt’ ‘stu tiemp’ ‘o addobbajen’ cu nu sacc’ ‘e machin’ ‘e fest’ (coccos’ comm’ ‘e gigli a Nola, pe’ ce capì) e ce facetten’ feste, cavalcate, celebrazioni pecché pe’ ‘e vicerè (primm’ spagnuol’, po’ austriac’) era ‘na maner’ pe’ s’attiggia’ cchiù assaje, pe’ fa’ vere’ quant’ eran’ putent’.
Addirittur’ int’ ‘o Seicient’ ‘sti fatt’ seven’ famosi comm’ ‘e serat’ ca gli Angels of Love hann’ fatt’ a Ibiza, pe’ capì a che livell’ steven’ ‘e ffest’ made in Naples!
Assaj famos’ ‘a chilli tiemp’ sev’ l’albero della cuccagna che cchiù ‘e nu divertiment’ era ‘na pigliat’ pe’ ccul’ pa ggent’ ca se puzzav’ ‘e famm’, si proprj amma ricer’ ‘a verità.
Praticamente chilli curnut’ ‘re nobili facevan’ pripara’ ‘sti torr’ gigantesche e ‘e regneven’ ‘e nu sacc’ ‘e rrobb’, comm’ si foss’ ‘a cazett’ ra Befana ca se regal’ ‘e nnammurat’, sul’ ca invece re ciucculattin’ ce steven’ gioielli, furmagg’, pan’ e addirittura animali ‘nchiuat’ ancor’ viv’ ‘n copp’ ‘e piezz’ ‘e lignamm’.
‘O primm’ a inaugura’ ‘sta tradizion’ barbara fuj, ‘o 1617, ‘o Duca di Ossuna ca inizialmente facev’ purta’ carr’ chin’ ‘e ‘sta rrobb’ da piazza Mercato ma aropp’ ‘a mala tarantell’ ‘e Masaniello ‘e facett’ spusta’ addò sta mò piazza del Plebiscito accussì putev’ tene’ sott’ controll’ ‘a marmaglia ‘e ggent’ ca s’accerev’ letteralmente pe’ nu poc’ ‘e magna’, manc’ foss’ asciut’ l’ultimo I-phone.
In tutto ciò ‘e ricchi, ca panza chien’, steven’ ‘n copp’ ‘e balcon’ a guarda’ mentre ‘e funtan’ vuttaven’ vin’ – Lacrima Christi, giusto pe’ cumiglia’ ‘e llacrim’ ‘re cristian’ – e ‘a povera ggent’ ittav’ ‘o sang’.
Indimen’ se scandalizza’ pur’ ‘o Marchese De Sade, ca certament’ nun er’ nu tip’ delicat’!
Pe’ furtun’ arrivaj Francesco I di Borbone ca ricett’: “Guagliù, ca ‘a ggent’ ca s’ puzz’ ‘e famm’ quann’ se ‘ncazz’ fa paur’! Luamm’ ‘e pret’ ananz’ ‘e pazz’!” e accussì luà ‘a miezz’ tutt’ cos’.
S’avett’ ‘na primma sistimazion’ ‘e tutt’ ‘o spazio comm’ si foss’ ‘na piazza grazie a Ferdinando IV di Borbone, Re Nasone, ca facett’ itta’ ‘n terr’ ‘o munaster’ ‘e Santa Croce e facett’ fa’ Palazzo Salerno ca mò se chiamm’ accussì pecché ce stett’ ‘e cas’ pe’ tant’ann’ ‘o figlj, ca sev’ appunto Duca di Salerno.
Furono però ‘e francis’, cchiù fissat’ cu ‘e cos’ razional’, ca vuletten’ fa’ proprj ‘na piazza.
Chist’ praticament’ venetten’, luajen’ ‘a miezz’ ‘e spagnuol’ e cagnajen’ nu poc’ ‘e fatt’ a livello ideologico e politico.
Gioacchino Murat, Rre ‘e Napul’ e parente a Napoleone Bonaparte, facett’ nu concors’ p’accuncia’ ‘a piazza ca s’era chiamma’ appunto Grande piazza o Foro di Murat e stu concors’ ‘o vincett’ Laperuta.
Chist’architetto pensò a nu porticato semicircolare cu l’ingresso in linea cu chill’ ra reggia ca stev’ ‘e rimpiett’ e alla fine dduj edifici gemelli.
Accussì facetten’ costruì il Palazzo del ministero degli esteri (ca mò è ‘o palazz’ ra Prefettura) ‘n facc’ a Palazzo Salerno, jettann’ ‘n terr’ i conventi ca eran’ rimasti.
Manc’ ‘o tiemp’ ‘e inizia’ ‘e lavori ca turnaje Ferdinando IV, che intanto era diventato Ferdinando I delle Due Sicilie pecché jenn’ e venenn’ ra Sicilia ce venett’ l’idea ‘e unifica’ i due regni, e cagnaje tutt’ cos’.
Innanzitutto ‘o facett’ chiamma’ Foro Ferdinandeo e po’ vulett’ fa’ costruì ‘na chies’ a faccia ‘e Gioacchino Murat: la chiesa di San Francesco di Paola, nu sant’ a cui Ferdinando eva fatt’ ‘a prumess’ ca si riuscev’ a turna’ a Napul’ ‘a facev’ cchiù bell’ ‘e comm’ chillu disgraziat’ frances’ l’eva fatt’ itta’ ‘n terr’.
‘O Rre stev’ talmente gasat’ ca vulett’ fa’ ‘o sboron’ e facett’ fa’ all’architetto, Pietro Bianchi, nu fatt’ comm’ ‘o Panteòn a Roma ca chies’ just’ ammiezz’ ‘o culunnat’ .
Semp’ pe’ sfregio e francis’, chiamma’ a Canova che int’ ‘o proggett’ ‘e Murat eva fa’ ‘na statuta ‘e Napoleone, ca poi abbusca’ a Waterloo e nun se ne facett’ cchiù nient’.
‘O scultor’ ‘o convincett’ nun sul’ a ffa’ ‘na statua do pat’, Carlo III, ca fuje nu grande Rre, ma pur’ una cu iss’, comm’ ‘o pat’, a cavall’.
Tutt’ stu burdell’ po convincer’ e po’ murett’, riuscett’ a ffa’ sul’ a Carlo e ‘o cavall’ ‘e Ferdinando ! Infatti ‘a statua do Rre ‘a furnett’ poi l’allievo, Antonio Calì.
I Borbone durajen’ fin’ a quann’ l’esercito piemontese, accussì, bell’ e bbuon’, invadett’ ‘o Regno e ‘o rre e tann’, Francischiell’, se n’etta fujì a Gaeta.
Dicimm’ che pe’ fa vere’ ca nun era n’invasion’ ma nu fatt’ pe’ fa sta cchiù bbuon’ a tutt’ quant’*, ‘o 21 ottobre do 1860 facetten’ ‘stu plebiscit’ dumandann’ si se vulev’ Vittorio Emanuele III come re.
In realtà, però, non fu nu fatt’ accussì democratico’ visto che se nun diciv’ “Sì”  t’arrestavan’, t’accerevan’ o t’ purtavan’ a murì mmiezz’ ‘e muntagn’ a Fenestrelle!

‘A chiammajen’ Unità d’Italia…si pensamm’ a comm’ stamm’ mis’ mò, cu ‘sta divisione tra Nord e Sud, penso proprj c’hann’ sbagliat’ coccos’.

*’O regno piemontese stev’ chiiiiin chin ‘e diebet’ e fuj ‘na scus’ p’ arrubbà.

Dal 1994, quann’ facetten’ ‘o G8 a Napul’, trasett’ coccos’ ‘e sord’ p’accuncia’ ‘o paviment’ e chiuder’ ‘a piazza e ‘o post’ re machin’ ce mettetten’ installazioni di arte contemporanea ‘e ggente comm’ Janis Kounellis, Mimmo Paladino, Anish Kapoor, Rebecca Horn, Luciano Fabro e Richard Serra.

Intanto, pe’ comm’ stann’ ‘e cos’ mò, è meglio si jat’ a ffa’ nu gir’ asott’ a piazza addò ce sta nu tunnel ca scavaron’ ‘e Borbone pe’ ‘e surdat’ e addò truvat’ pur’ cisterne antiche.
Aspettann’ c’acconcen’ ‘a part’ ‘e copp’…

© 2015 Angela Giuliano

Annunci

3 Replies to “Piazza del Plebiscito quann’ nun se pazziav’ a pallon’”

    1. Dario, in realtà è una scelta stilistica ben precisa che non ha alcuna pretesa di scrivere in Napoletano corretto.
      In linea con lo spirito con cui è nato il blog, vuole essere un linguaggio “cuozzo”; una sorta di scrittura volutamente incolta.
      Sto scrivendo una sorta di ‘manifesto’ a riguardo per non far storcere il naso a chi GIUSTAMENTE, come te, ha da muovere considerazioni del genere.
      Grazie per il tuo intervento. :)

      p.s.= le basi della grammatica e della sintassi, italiana, latina e greca le ho ben studiate all’università. Tra i tanti esami di linguistica, due erano dedicati al napoletano che allora ancora considerato un dialetto. Le mie nozioni a riguardo sono ancora carenti ed ho tanto da studiare ma intanto mi diletto in quest’esercizio di stile, scrivendo un napoletano senza alcuna velleità.

      Mi piace

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione /  Modifica )

Google+ photo

Stai commentando usando il tuo account Google+. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

w

Connessione a %s...