E va facit’ a pper’, sagliute e scese di Napoli #1 – ‘o Vommer’

ncopp o vommer
Tene’ nu mezz’ è tropp’ nu bbellu fatt’.
Pustegg’ a Mergellin’, gran premio ‘n copp’ ‘o corso Garibbbaldi, sett’ ott’ ‘e vuj acopp’.
Ma putess’ pur’ esser’ che furnesc’ ‘a miscel e ve l’ata fa’ ‘a pper’.
E ‘a pustegg’ ‘diventa ‘na figur’ ‘e mmerd e ‘o gran premio ‘na maniat’ ‘e jastemm’ ra ggent’ int’ ‘e machin’.
Se putess’ fa’ ‘n’ata cos’, allor: ‘na granda cammenat’ pe’ sagliut’ e ‘e sces’ ‘e Napul’.
‘Nun c’avivan’ maj pensat’, eh?
E sì, pecché manc’ ‘o sapiven’ ca stamm’ chin’ ‘e scalinat’, cchiù ‘e ducient’.
Ad essere precisi, ce stann’ le gradonate che so’ fatte di gradini larghi che s’alternano co piezz’ ‘e strada e le scalinate, ca so’ cchiù piccerell’ e cazzimmos’.
E comm’ so’ bbell’!
‘A livell’ ca bell’ ‘e bbuon’ staj cammenann’ e sbaaaaaam’! Te truov’ int’ all’uocchie ‘a Bellezz’ ‘e ‘sta città.
Tann’ nun ce steven’ ancor’ ‘e funicular’ e ‘a ggent’ che stav’ ‘ncopp’ a collin’ pe’ scenner’ a mmar’ pe’ spugna’ nu poc’ int’ all’acqua quann’ facev’ ‘nu calor’ ‘e mort’ sul ‘sti vvie putev’ piglia’.
S’atteggian’ malament’ chill’ ro Vommer’, mò, ma primm’ che facevan’ ‘sti scalinat’ ‘a voglia e sta’ llà ‘ncopp’.
Tra le più antiche sagliute ce sta la Pedamentina, ca se chiamm’ accussì pecché a differenza delle altre che erano state fatte addò primm’ passavan’ ciumm’ e turrient’, era ‘na strada pedemontana cioè che scennev’ ai piedi ra muntagn’ e collegava San Martino e Montesanto.
Quando fravecarono infatti la Certosa di San Martino, servev’ ‘na via pe’ purta’ a rrobba ‘ngopp e ‘a sfravecatura abbascio.
Quando furnetten’ e lavor’, ch’eva abbiat’ ‘o figlio do Rre Roberto d’Angiò, ‘a regina Giovanna I stev’ accussì ‘e ggenio che regala’ ai muonac’ nu sacc’ e terr’ p’allà attuorn’.
Chianu chian’ ‘sti munaciell’ addiventajen’ semp’ cchiù ricchi e a fine ro Cincucient’ spennetten’ nu sacc’ ‘e sord in architettura e decorazioni e cagnajen’ ‘o stile ra Certosa da gotico a barocco.
Addirittura Goethe, passann’ p’allà, ricett’: “Uanama bbell’, indimen’ ca chist’ stann’ piazzat’ proprj ‘a livell’ do Rre!”
Grazie a ‘sta via se putev’ arriva’ pur’ a Castel Sant’Elmo, fatto fravecare da Roberto d’Angiò , il quale facett’ abbia’ pur’ a fa’ costruì cas’ e casarell’ mmiezz’ a chell’ che tann’ era tutt’ campagna.
Se chiamm’ infatti Vomero dal vomere, chillu cos’ ‘e l’aratro e infatti tant’ann’ fa’ era tutta campagn’ cu ‘na special’ cultivazion’ ‘e vruoccol’: perciò se ric’ che ‘ngopp’ ‘o Vommer’ stann’ ‘e vruoccol’.
E l’aria era talmente bbon’ che purtaven’ e criatur’ nu poc’ malatiell’ a respira’.
Probabilmente ‘o primm’ mument’ ‘a Pedamentina era fatt’ sul’ ‘e tornanti, po’ ce mettetten’ ‘e scalinat’ e cammenann’ mò ancora si possono vere’ ‘e piezz’ d’antica murazione cinquecentesca di Pietro Toledo che facett’ fa’ ro cap’ pur’ ‘o castell’ che, accussì comm’ ‘o verimm’ mò, addiventaje ‘a meglia fortezza pe’ difendere a città.
‘Stu percorso finisce malament’ a Corso Vittorio Emanuele, che ‘o facett’ fa’ Ferdinando II di Borbone co’ nomm’ ‘e Corso Maria Teresa, alle spalle dell’Ospedale militare ma è assaje probabile che arrivava fino abbasc’ a città passann’ po vic’ Trinità delle Monache.
Il Petraio, che se chiamm’ accussì pecché er’ chin’ ‘e pretell’, te port’ int’ a ‘na part’ ‘e Napul’ addò ‘o tiemp’ s’è fermat’, ‘na sensazion’ in effetti che se sent’ int’ a parecchie zone ra città.
Scennenn’ scennenn’ se ‘ncoccia, ‘ncopp’ ‘a sinistra, ‘o Poggio Ravaschieri addò stev’ ‘na villa ‘e ‘na famiglia chien’ ‘e sord’ che tenevan’ terr’ pe’ tutt’ part’ ma cchiù nobbil’ ‘e llor’ eran’ ‘e lavannar’ che facetten’ famosa ‘sta zon’ pecché eran’ certi puliton’!
‘Sti lavannar’ lavavan’ ‘e pann’ cantann’, pecché pur’ int’ ‘a fatic’ ‘a gent’ napulitan’ trov’ ‘nu mutiv’ pe’ canta’.
Se chiammav’ infatti anche “quartiere delle lavandaie” pecché ce stev’ un grosso lavatoio a largo del Petraio e cinque funtanell’ ca currevan’ lungo tutt’a gradinata ‘e Santa Maria Apparente.
Indimen’ int’ ‘o Petraio è stat’ ‘e cas’ pur’ Paul Klee e ce piacev’ assaje pecché se stev’ quiet’ e nun ce parev’ ‘o ver’ che si spustav’ nu poc’ stev’ tutt’ chillu maciell’.
A parte ‘e vruoccol’, ‘o Vommer’ er’ assaje famos’ pur’ pe’ l’evera pucchiacchell’ che criscev’, spontanea, int’ ‘e mmur’ ‘e tuf’.
Mò nun vuless’ azzarda’ nisciuna teoria antropologica però secondo me ‘a vegetazion’ nu poc’ nu poc’ ha influenzat’ ‘o Dna int’ ‘o tiemp’…
Primm’ ‘e sbuca’ o Corso Vittorio Emanuele, ce sta ‘a cchiesa ‘e Santa Maria Apparente che nascett’ originariamente pe’ devozion’ pe’ ‘n’ immagine che stev’ ‘ncopp’ a nu mur’, ‘na paret’ appunt’.
Poi, poiché ‘e napulitan’, int’ ‘a carnalità, se piglian’ semp’ ‘a cunferenz’, ascetten’ a parient’ ca Maronn’ e ‘a chiammajen’ accussì.
Chest’è è ‘a versiona mia.
Chella ra tradizion’, invece, dice che a via ro Seicient’ cierti pescator’, mentre steven’ pe’ mmar’, evan’ pers’ ‘a via e nun riusceven’ cchiù a turna’.
Accussì bell’ e bbuon’ veretten’ ‘na luce a luntan’ che e purta’ ‘n terr’.
Ma ‘sta chies’ è famosa soprattutto pecché a nu pret’, int’ a ‘na capata beat, avett’ ‘a pensat’ ‘e celebra’ ‘na messa con chitarre elettriche e percussion’.
Pe’ ‘na chiesa ch’abball’ ce ne sta ‘n’ata che chiagne pecché sta ancor’ chiusa: int’ ‘a cchiesa ‘e San Carlo alle Mortelle, infatti, aropp’ ‘na pioggia ‘e chell’ ca sul’ a Napul’ ponn’ fa’ crolla’ ‘e vvie, s’è fatt’ ‘na buc’ ca si ce furnisc’ arint’ te truov’ direttamente a Sidney.
È nu peccat’ pecché sta zzon’, ca secondo Celano se chiamm’ accussì pecché ce steven’ ‘e boschi ‘e mirto mentre pe’ Ludovico de la Ville sur-Yllon ‘o nomm’ ven’ da ‘a famiglia “de Trojanis y Mortela” che ce stev’ ‘e cas’ agli inizi ro Seicient’ – è stata assai importante int’ ‘a storia.
Ccà nascett’ l’Accademia di Belle Arti, primm’ e se spusta’ a via Costantinopoli, ccà ce stev’ ‘o laboratorio reale pe’ lavora’ ‘e pret’ prizios’ pe’ ffa’ un esempio.
(Si vulit’ informazioni pe’ sape’ a che punto stann’ ca sistimazion, contattat’ a ‘stu cristian.)
‘Na via che port’ direttamente a Chiaia, ‘n faccia ‘a villa comunal’, è la Calata San Francesco che port’ ‘o nomm’ ro sant’ pecché abbasc’ a tutt’ ce stev’ ‘a cchies’ ‘e San Francesco degli Scarioni.
Chesta cchies’ facev’ parte ‘e nu compless’ conventual’ pe cap’ ‘e pezz’ fatto costruire da Leonardo Scarioni, nu commerciante che quann’ murett’ – visto che nun tenev’ eredi – lassaje tutt’ ‘e sord’ pe’ chist’edificio.
Arrivamm’ accussì al Palazzo Mirelli di Teora che fu abbiat’ da Cosimo Fanzago, pe’ conto dei Barile di Caivano ma ‘o furnett’ Sanfelice quann’ passaje a Carlo Mirelli principe di Teora.
Chist’architett’ ce mettett’ ‘e cchiù ‘a scalinat’ aperta e pur’ ‘e decorazion’ facennel’ addiventa’ nu palazz’ tipico ro barocc’ napulitan’.
Quann’ po’ so piglia’ ‘o conte von Kaunitz Rittberg, chist’ ‘o dett’ mman’ a Vanvitelli che l’eva restaura’ po’ bball’ ‘e quann’ Ferdinando IV di Borbone se ‘nzuraje cu Maria Carolina d’Austria.
‘A via che port’ ‘ncopp’ ‘o Vommer’, Arco Mirelli, se chiamm’ accussì pecché a chilli tiemp’ ce stev’ ‘n arco che azzeccav’ ‘o palazz’ co ‘e casarell’ attuorn’ che po’ so’ stat’ vuttat’ ‘n terr’ pe’ costruì Palazzo Guevara di Bovino.
Comm’ tanta cos’ ‘e Napul’, però, so’ tropp’ bell’ ma scurdat’ ‘ro Patatern’ e da ‘e napulitan’ ma pe’ furtun’ ce stann’ tant’ associazioni che se ne so’ ‘ncarecat’ e organizzano visite guidate jenn’ annanz’ e aret’.

Jatev’ a ffa’ ‘na cammenat’ e arrifrescatev’ l’uocchie.

© 2015 Angela Giuliano

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione /  Modifica )

Google+ photo

Stai commentando usando il tuo account Google+. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

w

Connessione a %s...